وسكەمەندە «التىنشى بەكەت»  ءفيلمىنىڭ تۇساۋكەسەرى ءوتتى

تۇساۋكەسەرگە شىعىس قازاقستان وبلىسى كۇش قۇرىلىمدارىنىڭ باسشىلارى, وسكەمەن قالاسى اكىمدىگىنىڭ وكىلدەرى, رەسپۋبليكالىق, ايماقتىق باق جەتەكشىلەرى, ءدىن وكىلدەرى مەن قوعام قايراتكەرلەرى شاقىرىلدى. جاڭا تۋىندى ناۋرىز ايىنىڭ 15-نەن باستاپ ەلىمىزدىڭ بارلىق كينوتەتارلارىندا كورسەتىلەتىن بولادى.

 بۇل ۇلتتىق ۇلاننىڭ 2017-2019 جىلدارعا ارنالعان ارنايى يميدجدىك باعدارلاماسىن ورىنداۋ اياسىندا قازاقستان رەسپۋبليكاسىنىڭ اقپارات جانە كوممۋنيكاتسيالار مينيسترلىگىنىڭ تاپسىرىسى بويىنشا قازاقستاندىق «ايۋ سينەما» كينوكومپانياسى «حابار» اگەنتتىگىمەن بىرلەسىپ جاساعان تۋىندى. وسى رەتتە قازاقستان رەسپۋبليكاسى ۇلتتىق  ۇلانىنىڭ جاۋىنگەرلىك قىزمەتى تۋرالى «التىنشى بەكەت» اتتى تولىق مەتراجدى كوركەم فيلممەن قوسا  تەلەسەريال تۇسىرىلگەنىن دە اتاپ ءوتۋ كەرەك.

«بۇل ءبىزدىڭ  جاۋىنگەرلەرىمىزدىڭ ەرلىكتەرى مەن قايسارلىعى جالپى, قازاقستان رەسپۋبليكاسىنىڭ ۇلتتىق ۇلانى جايلى تۇسىرىلگەن تۇڭعىش فيلم. سول سەبەپتى بۇل كەشتىڭ ءبىز ءۇشىن ماڭىزى زور. بۇلار - بۇگىنگى كۇننىڭ باتىرلارى. سوندىقتان, ءفيلممنىڭ تۇساۋكەسەرىنە كەلگەندەرىڭىزە العىسىمدى بىلدىرەمىن», - دەدى  كورسەتىلىم الدىندا ءسوز العان ۇلتتىق ۇلان «شىعىس» وڭىرلىك قولباسشىلىعىنىڭ قولباسشىسى, گەنەرال-مايور تالاپكەر قىدىر ۇلى امريەۆ.

2010 جىلعى 22 ماۋسىمدا اقتاۋ قالاسىنداعى قاتاڭ تارتىپتەگى كولونيادان قاشپاق بولعان 21 جازاسىن وتەۋشىگە جالعىز ءوزى توتەپ بەرىپ, جانقيارلىق ەرلىك كورسەتكەن ۇلتتىق ۇلان جاۋىنگەرى ەربول وتارباەۆ وسىناۋ فيلم سيۋجەتىنىڭ جەلىسىنە ارقاۋ بولعان.

وسى ەرلىگى ءۇشىن ەربول مەملەكەت باسشىسىنىڭ جارلىعىمەن ءىىى دارەجەلى «ايبىن» وردەنىمەن ماراپاتتالعان ەدى. بۇگىندە ەربول ۇلتتىق ۇلاننىڭ وفيتسەرى.

تۇساۋكەسەرگە كەلگەن العاشقى كورەرمەندەر «التىنشى بەكەت» فيلمىنەن العان اسەرلەرىمەن ءبولىستى.

ايدوس جۇقان ۇلى, "قازاقستان"رترك" "ALTAI" تەلەارناسى ديرەكتورىنىڭ ورىنباسارى - باس رەداكتور:

  - لاڭكەستەرگە ءھام لاڭكەستىك ارەكەتتىڭ الدىن الۋ بارىسىن تەك تەلەديدارداعى جاڭالىقتاردان ەستىپ, ءبىلىپ وتىرامىز. بۇل تاقىرىپتا تۇسىرىلگەن كوركەم فيلم جوقتىڭ قاسى. تەك گولليۆۋد فيلمدەرىنەن كورىپ وستىك. ءححى عاسىر ىندەتىمەن كۇرەسۋ - تەك كۇشتىك قۇرىلىمداردىڭ عانا ەمەس, بارشامىزدىڭ مىندەتىمىز. دەمەك بىزگە "التىنشى بەكەت" سىندى فيلمدەر كوپتەپ كەرەك. حالىقتىڭ ساۋاتى اشىلادى. پاتريوتتىق سەزىم كۇشەيەدى. وتانعا قىزمەت ەتۋ ءبارىمىزدىڭ بورىشىمىز ەكەندىگىن تۇسىنەتىن بولامىز. قازاق جىگىتتەرىنە, اسكەري ادامدارعا دەگەن سەنىم, ماقتانىش پايدا بولادى. "قازاقستان"رترك" "ALTAI" تەلەارناسى مۇنداي فيلمدەردى قولدايدى, اقپاراتتىق دەمەۋ كورسەتەدى. فيلم وتە جاقسى تۇسىرىلگەن. رەجيسسۋرا, وپەراتورلىق جۇمىس, دىبىسپەن ارلەۋ, ءبارى-ءبارى جاقسى. كينوتۋىندىنى ۇلكەن ەكراننان كورسەتۋگە پارمەن كورسەتكەن ۇلتتىق ۇلاننىڭ «شىعىس» وڭىرلىك قولباسشىلىعىنا جانە قولباسشىسى, گەنەرال-مايور تالاپكەر امريەۆ مىرزاعا راحمەت ايتامىن.

مارجان باقىت, "نۇر وتان" پارتياسى جانىنداعى "جاس وتان" جق شقوف توراعاسى:

  - ۇلتتىق ۇلان قولباسشىلىعىنىڭ قولداۋىمەن شىنايى وقيعانى وزەك ەتكەن «التىنشى بەكەت» كوركەم ءفيلمى جوعارى دەڭگەيدە تۇسىرىلگەن. مەن كينونى ءبىر دەممەن كورىپ شىقتىم, ءبىر جاعىنان باتىرلارىمىزدىڭ ەرلىگىنە قۋانىپ كوزىمە جاس السام, ءبىر جاعىنان تەرىس اعىمنىڭ جەتەگىندە كەتكەن جاستاردى كورىپ جۇرەگىم اۋىردى. بۇل كينونىڭ تاربيەلىك ءمانى زور, سول سەبەپتەن بارلىق جاستارعا كورسەتىپ ۇلگى قىلۋ كەرەك دەپ سانايمىن.

دوسجان ومارحان, شقو اقپاراتتىق ورتالىعىنىڭ باسشىسى:

-بۇل كارتينا قازاق ساربازىنىڭ جيىنتىق وبرازىن قالىپتاستىرادى دەسە دە بولادى. جالپى, بۇگىندە əسكەر قاتارىندا ازاماتتىق بورىشتى وتەۋدىڭ پرەستيجىن كوتەرۋ ماڭىزدى مəسەلە. مىسالى, كورشىلەس رەسەي əسكەري-پاتريوتتىق فيلمدەر تۇسىرۋگە مەملەكەتتىك ساتىپ الۋ ارقىلى قىرۋار قاراجات بولەدى. ال بىزدە مۇنداي فيلمدەر ايتارلىقتاي كوپ ەمەس. مۇنداي تاقىرىپتاعى فيلم يدەولوگيالىق قۇرالدىڭ ءبىرى ەكەنىن ەسكەرسەك, "التىنشى بەكەت" دەر كەزىندە شىعارىلعان ءسəتتى تۋىندى.

كوركەم فيلمدە باستى رولدەردى ەلىمىزگە تانىمال اكتەرلار سانۇرجان سۇلەيمەنوۆ, جاسۇلان ومىربەك, سەرىك سالقىنباەۆ, ەربولات توعىزاقوۆ, سايات يسەمباەۆ, قاجىمۇقان كاليمبەتوۆ, جاندوس جۇماعۇلوۆ, ارمات سمايىلوۆ, باۋىرجان بالعاباەۆ, گۇلنارا بايبوسىنوۆا جانە باسقالارى سومدايدى. ءفيلمنىڭ قويۋشى رەجيسسەرى - سەرىكبول وتەپبەرگەنوۆ.

 باعدات امانگەلدى,

«شىعىس» وڭىرلىك قولباسشىلىعىنىڭ

ء باسپاسوز قىزمەتىنىڭ باسشىسى.

وسكەمەن